滕麗名獲封逆齡女神 被海關懷疑報細數暗爽
Joyce Tang 滕麗名 最近除咗要忙住拍攝處境劇《愛・回家之開心速遞》嘅結局篇外，最近又要投入新劇《模範律師團》嘅拍攝，雖然工作排得密密麻麻，但阿滕仍keep到個靚樣，仲成日喺直播時被網民問佢點解廿幾年個樣都冇咩點變，係咪用咗濾鏡同AI，而亦因為咁，阿滕就被一款保健品睇中成為代言人。
阿滕坦言香港女性生活節奏極快，有時都忙到唔記得好好照顧自己，好似佢咁，有時都想好好為自己護膚、早睡早起，但現實係，經常要拍劇趕通告、飛來飛去，根本冇可能早瞓到。被指係「逆齡女神」嘅阿滕，就分享早前去加拿大滑雪嘅開心事，佢指過海關時，被相關嘅工作人員要求出示身份證，因為對方懷疑佢報細數，令阿滕偷偷暗爽咗一陣呀。
