TVB 娛樂新聞台原文報導：
喺疫情逐漸放緩下，大家第一時間諗到嘅係咩呢﹗就梗係飛出香港去旅行啦！呢日滕麗名為健康食品拍攝廣告，佢話身邊啲朋友經已買好晒機票，而佢都好想快啲放假然後去旅行，不過身負重任要開劇，唔請得假住。
好多人去旅行都係想飲飲食食同買嘢，不過阿滕就有另一個好個人嘅原因，因為去旅行就可以獨霸老公，全因老公平時喺香港就會去玩水上運動，要留待去旅行先可以有二人世界，不過阿滕都話自己好努力練水上運動，等老公無得唔理佢，佢仲透露近排練緊咩水上運動。
嚟緊母親節，佢就覺得《愛回家》入面嘅囝囝金城安要有所表示，不過當知道周嘉洛話要下廚，阿滕就話顧及生命安全，都係唔使客氣啦！
